किर्ते दस्तखत गरेका गोरखा २(१) का कांग्रेस सभापति गुरुङ जेल चलान
गोरखा | साउन २१, २०८०
पोखरा: नेपाली कांग्रेस गोरखा निर्वाचन क्षेत्र नम्बर २(१) का सभापति दीर्घमान गुरुङ (नारायण) जेल चलान भएका छन् ।
गुरुङविरुद्ध सरकारी दस्तखत किर्ते कसुरमा २०६१ जेठ १८ गते जिल्ला अदालतले एक वर्षको कैद सजाँय सुनाएको थियो ।
त्यसपछि उनी फरार थिए ।
फरार रहेका गुरुङलाई प्रहरीले गत असार २० गते पक्राउ गरेको थियो । त्यसपछि अदालतको फैसला कार्यान्वयनका लागि गुरुङलाई पक्राउ गरेसँगै डिल्लीबजार जेल चलान गरेको प्रहरी वृत्त सोह्रखुट्टेले जनाएको छ ।
उनले पहिल्यैदेखि सरकारी कागजात बनाउनका लागि किर्ते दस्तखत गर्दै आएकाे बताइएकाे छ ।
अहिले जेल चलान भएपछि नेपाली कांग्रेसले गुरुङलाई निलम्बन गरेको छ ।
जिल्ला समिति गोरखाले प्रेस विज्ञप्ति जारी गर्दै गुरुङ फौजदारी अभियोगमा थुनामा रहेकाले उनलाई पार्टीको सदस्य पदबाट निलम्बन गरेको बताएको छ ।
जिल्ला सचिव कृष्णबहादुर आलेद्वारा हस्ताक्षरित विज्ञप्तीमा भनिएको छ, ‘नेपाली कांग्रेसको विधान २०१७ (संशोधनसहित) को परिच्छेद २, दफा ४ को उपदफा १३(ङ) अनुसार गोरखा जिल्ला निर्वाचन क्षेत्र नं. २(१) का दीर्घमान गुरुङ फौजदारी अभियोगमा थुनामा रहेकाले पार्टीको सदस्य पदबाट निलम्बन गरिएको छ ।’
काठमाडौं । नेपाल यातायात व्यवसायी राष्ट्रिय महासंघको अध्यक्षमा पून्यप्रसाद सिटौला (सरोज) निर्वाचित भएका छन् । पोखरामा भएको महासंघको सातौँ महाधिवेशनबाट सिटौला अध्यक्षमा निर्वाचित...
पोखरा । कास्कीको मादी गाउँपालिका ८ को आयोजनामा सबुपोखरी पदमार्गको प्रवद्र्धन गर्ने उद्देश्यसहित २ दिने हाइकिङको आयोजना गरिएको छ । नेपाल पर्यटन बोर्ड गण्डकी प्रदेश, अन्नपूर्ण संरक्षण क्षेत्...
कास्की —पोखराको अमरसिंह चोकबाट एक महिला बेपत्ता भएकी छन् । मादी गाउँपालिका ८ पाखुरीकोट मिजुरे माइतीघर भई हाल रामबजार बस्ने रितु गुरुङ विगत केही दिनदेखि बेपत्ता भएकी हुन् । ...
